lunes, 18 de enero de 2010

Prameya-ratnavali - Baladeva Vidyabhusana

Fotos
Devoción
harekrsna



Prameya-ratnavali

Baladeva Vidyabhusana


prameya-ratnävalé


baladeva-vidyäbhüñaëa-praëétä


Taken from Haridas Shastri's undated edition. (ca. 1982)


(1)

bhagavat-päratamyam


jayati çré-govindo gopénäthaù samadana-gopäla |

vakñyämi yasya kåpayä prameya-ratnävaléà sükñmäm ||1||


bhakti-äbhäsenäpi toñaà dadhäne

dharmädhyakñe viçva-nistärita-nämni

nityänandädvaita-caitanya-rüpe

tattve tasmin nityam ästäà ratir naù ||2||


änanda-tértha-nämä sukha-maya-dhämä yatir jéyät |

saàsärärëava-taraëià yam iha janäù kértayanti budhäù ||3||


bhavati vicintyä viduñäà niravakarä guru-paramparä nityam |

ekäntitvaà siddhyati yayodayati yena haritoñaù ||4||


yad uktaà padma-puräëe


sampradäya-vihénä ye manträs te niñphalä matäù |

ataù kalau bhaviñyanti catväraù sampradäyinaù

çré-brahma-rudra-sanakäù vaiñëaväù kñiti-pävanäù

catväras te kalau bhävyä hy utkale puruñottamät ||ka||


rämänujaà çréù svécakre madhväcäryaà caturmukhaù

çré-viñëu-sväminaà rudro nimbädityaà catuùsanaù ||kha||


tatra sva-guru-paramparä, yathä—


çré-kåñëa-brahma-devarñi-bädaräyaëa-saàjïakän

çré-mädhva-çré-padmanäbha-çréman-narahari-mädhavän

akñobhya-jayatértha-jïänasindhu-dayänidhén

çré-vidyänidhi-räjendra-jayadharmän kramäd vayam

puruñottama-brahmaëya-vyäsatérthäàç ca saàstumaù

tato lakñmépatià mädhavendraà ca bhaktitaù

tac-chiñyän çréçvarädvaita-nityänandän jagad-gurün

devam éçvara-çiñyaà çré-caitanyaà ca bhajämahe

çré-kåñëa-prema-dänena yena nistäritaà jagat ||ga||


atha prameyäëy uddiçyante—


çré-madhvaù präha viñëuà paratamam akhilämnäya-vedyaà ca viçvaà

satyaà bhedaà ca jévän hari-caraëa-juñas täratamyaà ca teñäm |

mokñaà viñëv-aìghri-läbhaà tad amala-bhajanaà tasya hetuà pramäëaà

pratyakñädi-trayaà cety upadiçati hariù kåñëa-caitanya-candraù ||5||


tasya çré-viñëoù paratamatvaà, yathä çré-gopälopaniñaditasmät kåñëa eva paro devas taà dhyäyet taà raset taà bhajet taà yajet || iti ||ka||


çvetäçvataropaniñadi (1.11-12) ca –


jïätvä devaà sarva-päçäpahäniù

kñéëaiù kleçair janma-måtyu-prahäëiù

tasyäbhidhyänät tåtéyaà deha-bhede

viçvaiçvaryaà kevala äpta-kämaù ||(kha)|| iti |


etaj jïeyaà nityam evätma-saàsthaà

nätaù paraà veditavyaà hi kiïcit ||(ga) iti ca |


çré-gétäsu (7.7) ca –


mattaù parataraà nänyat kià cid asti dhanaàjaya

mayi sarvam idaà protaà sütre maëigaëä iva ||iti||


hetutväd vibhu-caitanyänandatvädi-guëäçrayät |

nitya-lakñmyädi-matväc ca kåñëaù paratamo mataù ||6||


tatra sarva-hetutvaà yathähuù çvetäçvataräù (5.4) –


sarvä diça ürdhvam adhaç ca tiryak

prakäçayan bhräjate yadvanaòvän |

ekaù sa devo bhagavän vareëyo

yoni-svabhävän adhitiñöhaty ekaù || (ka) iti |


yac ca svabhävaà pacati viçva-yoniù

päcyäàç ca sarvän pariëämayed yaù || (kha) || (çve.u. 5.5)


vibhu-caitanyänandatvaà, yathä käöhake


mahäntaà vibhum ätmänaà

matvä dhéro na çocati || (ga) || (ka.u. 4.4)


vijïäna-sukha-rüpatvam ätma-çabdena bodhyate |

anena mukta-gamyatva-vyütpatter iti tad-vidaù || 7 ||


väjasaneyinaç cähuù—


vijïänam änandaà brahma

rätir dätuù paräyaëam || (ka) || (bå.ä.u. 3.9.28.7)


çré-gopälopaniñadi ca—


tam ekaà govindaà sac-cid-änanda-vigraham || (kha) ||


mürtatvaà pratipattavyaà cit-sukhasyaiva rägavat |

vijïäna-ghana-çabdädi-kértanäc cäpi tasya tat |

deha-dehi-bhidä nästéty etenaivopadarçitam || 8 ||


mürtatvasyaiva vibhutvaà yathä çvetäçvataropaniñadi


våkña iva stabdho divi tiñöhatyekas

tenedaà pürëaà puruñeëa sarvam || (ka) || (çve.u. 3.9)


dyustho’pi nikhila-vyäpéty äkhyänän mürtimän vibhuù |

yugapad dhyätå-våndeñu säkñätkäräc ca tädåçaù || 9 ||


çré-daçame (10.9.13-14) ca—


na cäntar-bahir yasya na pürvaà näpi cäparam |

pürväparaà bahiç cäntar jagato yo jagac ca yaù ||

taà matvätmajam avyaktaà martya-liìgam adhokñajam |

gopikolükhale dämnä babandha präkåtaà yathä || (ka) ||


çré-gétäsu (9.4-5) ca—


mayä tatam idaà sarvaà jagad-avyakta-mürtinä |

mat-sthäni sarva-bhütäni na cähaà teñv avasthitaù ||

na ca mat-sthäni bhütäni paçya me yogam aiçvaram || (kha) ||


anantyä çaktir astéçe yoga-çabdena yocyate |

virodha-bhaïjikä sä syäd iti tattva-vidäà matam || 10 ||


ädinä sarvajïatvaà yathä muëòake (1.1.9, 2.2.7)—


yaù sarvajïaù sarva-vit || (ka) ||


änanditvaà ca taittiréyake (2.9.1)—


änandaà brahmaëo vidvän na vibheti kutaçcana || (kha) ||


prabhutva-suhåttva-jïänadatva-mocakatväni ca çvetäçvatara-çrutau (3.17)—


sarvasya prabhum éçänaà sarvasya çaraëaà suhåt || (ga) ||


prajïä ca tasmät prasåtä puräëé || (gha) || (çve.u. 4.14)


saàsära-mokña-sthiti-bandha-hetuù || (ìa) || (çve.u. 6.16)


mädhuryaà ca, çré-gopälopaniñadi (pürva 10)—


sat-puëòaréka-nayanaà meghäbhaà vaidyutämbaram |

dvibhujaà jïäna-mudräòhyaà vanamälinam éçvaram || (ca) ||


na bhinnä dharmiëo dharmä bheda-bhänaà viçeñataù |

yasmät kälaù sarvadästéty ädi-dhér viduñäm api || 11 ||


evam uktaà närada-païcarätre


nirdoña-pürëa-guëa-vigraha ätma-tantro

niçcetanätmaka-çaréra-guëaiç ca hénaù |

änanda-mätra-kara-päda-mukhodarädiù

sarvatra ca sva-gata-bheda-vivarjitätmä || (ka) ||


atha nitya-lakñmékatvaà yathä viñëu-puräëe


nityaiva sä jagan-mätä viñëoù çrér anapäyiné |

yathä sarva-gato viñëus tathaiveyaà dvijottama || (kha) ||


viñëoù syuù çaktayas tisras täsu yä kértitä parä |

saiva çrés tad-abhinneti präha çiñyän prabhur mahän || 12 ||


tatra triçaktir viñëuù, yathä çvetäçvataropaniñadi


paräsya çaktir vividhaiva çrüyate

sväbhäviké jïäna-bala-kriyä ca || (ka) ||


pradhäna-kñetrajïa-patir guëeçaù || (kha) ||


çré-viñëu-puräëe (6.7.61) ca—


viñëu-çaktiù parä proktä kñetrajïäkhyä tathäparä |

avidyä-karma-saàjïänyä tåtéyä çaktir iñyate || (ga) ||


paraiva viñëv-abhinnä çrér ity uktaà tatraiva (vi.pu. 1.9.44-45)—


kalä-käñöhä-nimeñädi-käla-sütrasya gocare |

yasya çaktir na çuddhasya prasédatu sa no hariù ||

procyate parameço yaù yaù çuddho’py upacärataù |

prasédatu sa no viñëur ätmä yaù sarva-dehinäm || (gha) ||


eñä paraiva trivåd ity apy uktaà, tatraiva (vi.pu. 1.12.69)—


hlädiné sandhiné saàvit tvayy ekä sarva-saàçraye |

hläda-täpa-karé miçrä tvayi no guëa-varjite || (ìa) ||


eko’pi viñëur ekäpi lakñmés tad-anapäyiné |

sva-siddhair bahubhir veçair bahur ity abhidhéyate || 13 ||


tatraikatve saty eva viñëor bahutvaà, yathä çré-gopälopaniñadi (pürva 20)—


eko vaçé sarvagaù kåñëa éòya

eko’pi san bahudhä yo’vabhäti |

taà péöha-sthaà ye tu yajanti dhéräs

teñäà sukhaà çäçvataà netareñäm || (ka) ||


atha lakñmyäs tad yathä—paräsya çaktir vividhaiva çrüyate || (kha) || (çve.u. 9.8)


pürtiù särvatriké yadyapy aviçeñä tathäpi hi |

täratamyaà ca tac-chakti-vyaktya-vyakti-kåtaà bhavet || 14 ||


tatra viñëoù särvatriké pürtir, yathä väjasaneyake (bå.ä.u. 5.1.1)—


pürëam adaù pürëam idaà pürëät pürëam udacyate |

pürëasya pürëam ädäya pürëam evävaçiñyate || (ka) ||


mahävärähe ca—


sarve nityäù çäçvatäç ca dehäs tasya parätmanaù |

hänopädäna-rahitä naiva prakåtijäù kvacit ||

paramänanda-sandohä jïäna-mäträç ca sarvataù |

sarve sarva-guëaiù pürëäù sarva-doña-vivarjitäù || (kha) ||


atha çriyaù sä yathä çré-viñëu-puräëe (1.9.140-143)—


evaà yathä jagat-svämé deva-devo janärdanaù |

avatäraà karoty eña tathä çrés tat-sahäyiné ||


punaç ca padmäd udbhütä ädityo’bhüd yadä hariù |

yadä ca bhärgavo rämas tadäbhüd dharaëé tv iyam ||


räghavatve’bhavat sétä rukmiëé kåñëa-janmani |

anyeñu cävatäreñu viñëor eñä sahäyiné ||


devatve deva-deheyaà manuñyatve ca mänuñé |

viñëor dehänurüpäà vai karoty eñätmanas tanum || (ga) ||


syät svarüpa-saté pürtir ihaikyäd iti vin matam || 15 ||


atha tathäpi täratamyam—tatra çré-viñëos tad yathä çré-bhägavate (bhä.pu. 1.3.28)—


ete cäàça-kaläù puàsaù kåñëas tu bhagavän svayam || (ka) ||


añöamas tu tayor äsét svayam eva hariù kila || iti ca || (kha) || (bhä.pu. 9.24.55)


atha çriyas tad yathä puruña-bodhinyäm atharvopaniñadigokuläkhye mäthura-maëòala ity upakramya dve pärçve candrävalé rädhikä cety abhidhäya paratra yasyä aàçe lakñmé-durgädikä çaktir iti || (ga) ||


gautaméya-tantre ca—


devé kåñëa-mayé proktä rädhikä para-devatä |

sarva-lakñmé-mayé sarva-käntiù sammohiné parä || (gha) ||


atha nitya-dhämatvam ädi-çabdät, yathä chändogye (chä.u. 7.24.1)—


sa bhagavaù kasmin pratiñöhita iti | sve mahimnéti || (ìa) ||


divye brahma-pure hy eña saàvyomny ätmä pratiñöhita || (ca) iti ca || (mu.u. 2.2.7) ||


åkñu ca (åg veda, 1.154.6)—


tä väà västüny uçmasi gamadhyai

yatra gävo bhüriçåìgä ayäsaù |

aträha tad urugäyasya våñëaù

paramaà padam avabhäti bhüri || (cha) ||


çré-gopälopaniñadi ca (uttara 35)—


täsäà madhye säkñäd brahma-gopäla-puré hi || (ja) ||


jitante-stotre ca—


lokaà vaikuëöha-nämänaà divya-ñäòguëya-saàyutam |

avaiñëavänäm apräpyaà guëa-traya-vivarjitam ||


nitya-siddhaiù samäkérëaà tan-mayaiù päïca-kälikaiù |

sabhä-präsäda-saàyuktaà vanaiç copavanaiù çubham ||


väpé-küpa-taòägaiç ca våkña-ñaëòaiù sumaëòitam |

apräkåtaà surair vandyam ayutärka-sama-prabham || iti || (jha) ||


brahma-saàhitäyäà ca (bra.saà. 5.2)—


sahasra-patraà kamalaà gokuläkhyaà mahat padaà |

tat-karëikäraà tad-dhäma tad-anantäàça-sambhavam || iti || (ïa) ||


prapaïce svätmakaà lokam avatärya maheçvaraù |

ävirbhavati tatreti mataà brahmädi-çabdataù || 16 ||


govinde sac-cid-änande nara-därakatä yathä |

ajïair nirüpyate tadvad dhämni präkåtatä kila || 17 ||


atha nitya-lélatvaà ca, tathä hi çrutiù (båh.ä.u. 3.8.3)—yad gataà bhavac ca bhaviñyac ca || (ka) ||


eko devo nitya-lélänurakto

bhakta-vyäpé bhakta-hådy antarätmä || (kha) ||


småtiç ca (gétä 4.9)—


janma karma ca me divyam evaà yo vetti tattvataù |

tyaktvä dehaà punar janma naiti mäm eti so’rjuna || (ga) ||


rüpänantyäj janänantyäd dhämänantyäc ca karma tat |

nityaà syät tad-abhedäc cety uditaà tattva-vittamaiù || 18 ||



iti prameya-ratnävalyäà bhagavat-päratamya-prakaraëaà näma

prathama-prameyam

|| 1 ||


--o)0(o--


(2)

athäkhilämnäya-vedyatvaà


yathä çré-gopälopaniñadi (go.öä.u., 2.27)—


yo’sau sarvair vedair géyate || iti || (ka) ||


käöhake ca (ka.u. 1.2.15)—


sarve vedä yat padam ämananti

tapäàsi sarväëi ca yad vadanti || iti || (kha) ||


çré-hari-vaàçe ca—


vede rämäyaëe caiva puräëe bhärate tathä |

ädäv ante ca madhye ca hariù sarvatra géyate || iti || (ga) ||


säkñät-paramparäbhyäà vedä gäyanti mädhavaà sarve |

vedäntäù kila säkñäd apare tebhyaù paramparayä || 1 ||


kvacit kvacidaväcyatvaà yadvedeñu vilokyate |

kärtsnyena väcyaà na bhavediti syättatra sadgatiù |

anyathä tu tadärambho vyarthaù syäditi me matiù || 2 ||


çabdapravåttihetünäà jätyädénämabhävataù |

brahma nirdharmakaà väcyaà naivetyähurvipaçcitaù || 3 ||


sarvaiù çabdairaväcye tu lakñaëä na bhavedataù |

lakñyaà ca na bhaved dharmahénaà brahmeti me matam || 4 ||


iti prameya-ratnävalyäà

akhilämnäya-vedyatva-prakaraëaà näma

dvitéya-prameyam

|| 2 ||


--o)0(o--


(3)

viçva-satyatvam


sva-çaktyä såñöavän viñëur yathärthaà sarvavij jagat |

ity ukteù satyam evaitad-vairägyärtham asad-vacaù || 1 ||


tathä hi çvetäçvataropaniñadi (çve.u. 4.1)


ya eko’varëo bahudhä çakti-yogäd

varëän anekän nihitärtho dadhäti || iti || (ka) ||


çré-viñëu-puräëe ca (vi.pu. 1.22.54)—


eka-deça-sthitasyägner jyotsnä vistäriëé yathä |

parasya brahmaëaù çaktis tathedam akhilaà jagat || iti || (kha) ||


éçäväsyopaniñadi (é.u. 8)—


sa paryagäc chukram akäyam avraëam

asnäviraà çuddham apäpa-viddham |

kavir manéñé paribhüù svayaàbhür

yäthä-tathyato’rthän vyadadhäc chäçvatébhyaù samäbhyaù || iti || (ga) ||


çré-viñëu-puräëe ca (vi.pu. 1.22.58)—


tad etad akñayaà nityaà jagan muni-varäkhilam |

ävirbhäva-tirobhäva-janma-näça-vikalpavat || iti || (gha) ||


mahäbhärate ca (ma. bhä., açvamedha 35.34)—


brahma satyaà tapaù satyaà satyaà caiva prajäpatiù |

satyäd bhütäni jätäni satyaà bhüta-mayaà jagat || iti || (ìa) ||


ätmä vä idam ity ädau vana-léna-vihaìgavat |

sattvaà viçvasya mantavyam ity uktaà veda-vedibhiù || 2 ||


iti prameya-ratnävalyäà

viçva-satyatva-prakaraëaà näma

tåtéya-prameyam

|| 3 ||


--o)0(o--


(4)

bheda-satyatvam


atha viñëuto jévänäà bhedaù |


tathä hi çvetäçvataräù paöhanti (çve.u. 4.6)—


dvä suparëä sayujä sakhäyä

samänaà våkñaà pariñañvajäte |

tayor anyaù pippalaà svädv

atty anaçnann anyo’bhicäkaçéti || (ka) ||


samäne våkñe puruño nimagno

'néçayä çocati muhyamänaù |

juñöaà yadä paçyaty anyam éçam

asya mahimänam iti véta-çokaù || (kha) || (mu. u., 3.1.2)


upakramopasaàhäräv abhyäso’pürvatä phalam |

arthavädopapattau ca liìgaà tätparya-nirëaye ||


iti tätparya-liìgäni ñaò yäny ähur manéñiëaù |

bhede täni pratéyante tenäsau tasya gocaraù || 1 ||


kià ca muëòake (mu. u., 3.1.3)—


yadä paçyaù paçyate rukma-varëaà

kartäram éçaà puruñaà brahma-yonim |

tadä vidvän puëya-päpe vidhüya

niraïjanaù paramaà sämyam upaiti || (ka) ||


käöhake ca (ka.u. 4.1.14)—


yathodakaà çuddhe çuddham äsiktaà tädåg eva bhavati |

evaà muner vijänata ätmä bhavati gautama || (kha) ||


çré-gétäsu ca (gétä 14.2)—


idaà jïänam upäçritya mama sädharmyam ägatäù |

sarge’pi nopajäyante pralaye na vyathanti ca || (ga) ||


eñu mokñe’pi bhedokteù syäd bhedaù päramärthikaù |

brahmäham eko jévo’smi nänye jévä na ceçvaraù || 2 ||


mad-avidyä-kalpitäs te syur itétthaà ca düñitam |

anyathä nitya ity ädi-çruty-artho nopapadyate || 3 ||


tathä hi kaöhäù paöhanti (ka.u. 2.2.13)—


nityo nityänäà cetanaç cetanänäm

eko bahünäà yo vidadhäti kämän |

tam ätmasthaà ye’nupaçyanti dhéräs

teñäà çäntiù çäçvaté netareñäm || (ka) ||


ekasmäd éçvarän nityäc cetanät tädåçä mithaù |

bhidyante bahavo jéväs tena bhedaù sanätanaù || 4 ||


präëaikädhéna-våttitväd vägädeù präëatä yathä |

tathä brahmädhéna-våtter jagato brahmatocyate || 5 ||


tathä hi chändogye paöhyate (chä. u., 5.1.15)—


na vai väco na cakñüàñi

na çroträëi na manäàséty äcakñate |

präëa ity eväcakñate

präëo hy evaitäni sarväëi bhavati || (ka) ||


brahma-vyäpyatvataù kaiçcij jagad brahmeti manyate || 6 ||


yad uktaà çré-viñëu-puräëe (vi.pu. 1.9.69)—


yo’yaà tavägato deva samépaà devatägaëaù |

satyameva jagatsrañöä yataù sarvagato bhavän || (ka) ||


pratibimba-pariccheda-pakñau yau svékåtau paraiù |

vibhutväviñayatväbhyäà tau vidvadbhir niräkåtau || 7 ||


advaitaà brahmaëo bhinnam abhinnaà vä tvayocyate |

ädye dvaitäpatter ante siddha-sädhanatä-çruteù || 8 ||


alékaà nirguëaà brahma pramäëäviñayatvataù |

çraddheyaà viduñäà naivety ücire tattva-vädinaù || 9 ||


iti prameya-ratnävalyäà bheda-satyatva-prakaraëaà näma

caturtha-prameyam

|| 4 ||


--o)0(o--


(5)

atha jévänäà bhagavad-däsatvam


tathä hi çvetäçvataräù paöhanti (çve.u. 6.7)—


tam éçvaräëäà paramaà maheçvaraà

taà devatänäà paramaà ca daivatam |

patià paténäà paramaà parastäd

vidäma devaà bhuvaneçam éòyam || (ka) ||


småtiç ca—


brahmä çambhus tathaivärkaç candramäç ca çatakratuù |

evam ädyäs tathaivänye yuktä vaiñëava-tejasä || ity ädyä ||


sa-brahmakäù sa-rudräç ca sendrä devä maharñibhiù |

arcayanti sura-çreñöhaà devaà näräyaëaà harim || iti ca (kha) ||


pädme ca jéva-lakñaëe—

däsa-bhüto harer eva nänyasyaiva kadäcana || (ga) ||


iti prameya-ratnävalyäà jévänäà bhagavad-däsatva-prakaraëaà näma

païcama-prameyam

|| 5 ||


--o)0(o--


(6)

atha jévänäà täratamyam


aëu-caitanya-rüpatva-jïänitvädy-aviçeñataù |

sämye saty api jévänäà täratamyaà ca sädhanät || 1 ||


taträëutvam uktaà çvetäçvataraiù (çve.u. 5.9)—


bälägra-çata-bhägasya çatadhä kalpitasya ca |

bhägo jévaù sa vijïeyaù sa cänantyäya kalpate || (ka) ||


caitanya-rüpatvaà jïänitvädikaà ca ñaö-praçnyäà (pra. u. 4.9)—


eña hi drañöä sprañöä çrotä ghrätä rasayitä mantä

boddhä kartä vijïänätmä puruñaù || (kha) ||


ädinä guëena deha-vyäpitvaà ca, çré-gétäsu (gétä 13.33)—


yathä prakäçayaty ekaù kåtsnaà lokam imaà raviù |

kñetraà kñetré tathä kåtsnaà prakäçayati bhärata || (ga) ||


äha caiva sütrakäraù (bra. sü., 2.3.24)—guëäd välokavat || (gha) ||


guëa-nityatvam uktam väjasaneyibhiù (bå.ä.u. 4.5.14)—avinäçé vä are ayamätmänucchittidharmä || (ìa) ||


evaà sämye’pi vaiñamyam aihikaà karmabhiù sphuöam |

prähuù päratrikaà tat tu bhakti-bhedaiù sukovidaù || 2 ||


tathä hi kauthumäù paöhanti—


yathäkratur asmin loke puruño bhavati |

tathetaù pretya bhavati || iti || (ka) ||


småtiç ca—


yädåçé bhävanä yasya siddhir bhavati tädåçé || iti || (kha) ||


çäntyädyä rati-paryantä ye bhäväù païca kértitäù |

tair devaà smaratäà puàsäà täratamyaà mitho matam || 3 ||


iti prameya-ratnävalyäà

jéva-täratamya-prakaraëaà näma

ñañöha-prameyam

||6||


--o)0(o--


kåñëa-präpti-rüpa-mokñam


atha çré-kåñëa-präpter mokñatvam |


yathä—


jïätvä devaà sarva-päçäpahäniù || ity ädi (ka) || (çve.u. 1.10)

eko vaçé sarvagaù kåñëa éòyam || ity ädi ca (kha) || (go.tä.u., pürva, 20)


bahudhä bahubhir veçair bhäti kåñëaù svayaà prabhuù |

tam iñövä tat-pade nitye sukhaà tiñöhanti mokñinaù || 1 ||


iti prameya-ratnävalyäà

kåñëa-präpti-rüpa-mokña-prakaraëaà näma

saptama-prameyam

|| 7 ||


--o)0(o--

viçuddha-bhakter mukti-pradatvam


athaikänta-bhakter mokña-hetutvam |


yathä çré-gopäla-täpanyäm


bhatkir asya bhajanaà tad ihämutropädhi-nairäsyenämuñmin manaù-kalpanam etad eva naiñkarmyam || (ka) || (go. tä. u., pürva 14)


närada-païcarätre ca—


sarvopädhi-vinirmuktaà tatparatvena nirmalam |

håñékeëa håñékeça-sevanaà bhaktir ucyate || (kha) ||


navadhä caiñä bhavati | yad uktaà çré-bhägavate (bhä.pu. 7.5.23-24)—


çravanaà kértanaà viñëoù smaraëaà päda-sevanam |

arcanaà vandanaà däsyaà sakhyam ätma-nivedanam ||

iti puàsärpitä viñëau bhaktiç cen nava-lakñaëä |

kriyate bhagavaty addhä tan manye’dhétam uttamam || (ga) ||


sat-sevä guru-sevä ca deva-bhävena ced bhavet |

tadaiñä bhagavad-bhaktir labhyate nänyathä kvacit || 1 ||


deva-bhävena sat-sevä yathä taittiréyake (tai.u. 1.11.2)—atithi-devo bhava || (ka) ||


tayä tad-bhaktir, yathä çré-bhägavate (bhä.pu. 7.5.32)—


naiñäà matis tävad urukramäìghrià

spåñaty anarthäpagamo yad-arthaù |

mahéyasäà päda-rajo’bhiñekaà

niñkiïcanänäà na våëéta yävat || (kha) ||


deva-bhävena guru-sevä yathä taittiréyake (tai.u. 1.11.2)—äcärya-devo bhava || (ga) ||


çvetäçvataropaniñadi ca (çve.u. 6.22)—


yasya deve parä bhaktir yathä deve tathä gurau |

tasyaite kathitä hy arthäù prakäçante mahätmanaù || (gha) ||


tayä tad-bhaktir, yathä çré-bhägavate (bhä.pu. 11.3.21-22)—


tasmäd guruà prapadyeta jijïäsuù çreya uttamam |

çäbde pare ca niñëätaà brahmaëy upaçamäçrayam ||

tatra bhägavatän dharmän çikñed gurv-ätma-daivataù |

amäyayä.anuvåttyä yais tuñyed ätmätmado hariù || (ìa) ||


aväpta-païca-saàskäro labdha-dvividha-bhaktikaù |

säkñät-kåtya harià tasya dhämni nityaà pramodate || 2 ||


tatra païca saàskärä yathä småtau—


täpaù puëòraà tathä näma mantro yägaç ca païcamaù |

amé hi païca saàskäräù paramaikänti-hetavaù || (ga) ||


täpo’tra tapta-cakrädi-mudrädhäraëam ucyate |

tenaiva harinämädi-mudrä cäpy upalakñyate || 3 ||


sä yathä småtau—


harinämäkñarair gätram aìkayec candanädinä |

sa loka-pävano bhütvä tasya lokam aväpnuyät || (ka) ||


puëòraà syäd ürdhva-puëòraà tac chästre bahuvidhaà småtam |

hari-mandira-tat-pädäkåtyädy-atiçubhävaham ||


nämätra gaditaà sadbhir hari-bhåtyatva-bodhakam |

mantro’ñöädaça-varëädiù sveñöadeva-vapur mataù ||


çälagrämädi-püjä tu yäga-çabdena kathyate |

pramäëänyeñu dåçyäni puräëädiñu sädhubhiù || 4 ||


navadhä bhaktir vidhi-ruci-pürvä dvedhä bhaved yayä kåñëaù |

bhütvä svayaà prasanno dadäti tat-tad-épsitaà dhäma || 5 ||


vidhinäbhyarcyate devaç catur-bähvädi-rüpa-dhåk |

rucyätmakena tenäsau nåliìgaù paripüjyate || 6 ||


tulasyaçvatthadhätryädipüjanaà dhämaniñöhatä |

aruëodayaviddhastu santyäjyo hariväsaraù |

janmäñöamyädikaà süryodayaviddhaà parityajet || 7 ||


lokasaìgrahamanvicchannityanaimittikaà budhaù |

pratiñöhitaçcaret karma bhaktiprädhänyamatyajan || 8 ||


daça nämäparädhäàstu yatnataù parivarjayet || 9 ||


kåñëäväptiphalä bhaktirekäntäträbhidhéyate |

jïänavairägyapürvä sä phalaà sadyaù prakäçayet || 10 ||


iti prameya-ratnävalyäà

viçuddha-bhakter mukti-pradatva-prakaraëaà näma

añöama-prameyam

||8||


--o)0(o--


(9)

pramäëa-tritvam


atha pratyakñänumäna-çabdänäm eva pramäëatvam |


yathä çré-bhägavate (bhä.pu. 11.19.17)—


çrutiù pratyakñam aitihyam anumänaà catuñöayam || (ka) ||


pratyakñe’ntar bhaved yasmäd aitihyaà tena deçikaù |

pramäëaà trividhaà präkhyat tatra mukhyä çrutir bhavet || 1 ||


pratyakñam anumänaà ca yat säcivyena çuddhimat |

mäyä-muëòävalokädau pratyakñaà vyabhicäri yat || 2 ||


anumä cätidhüme’drau våñöi-nirväpitägnike |

ataù pramäëaà tat tac ca svatantraà naiva sammatam || 3 ||


anukülo matastarkaù çuñkastu parivarjitaù || 4 ||


tathä hi väjasaneyinaù (bå.ä.u. 2.4.5)—


ätmä vä are drañöavyaù çrotavyo mantavyo nididhyäsitavyaù || (ka) ||


käöhakäù (ka.u. 2.9)—


naiñä tarkeëa matir äpaneyä proktänyena sujïänäya preñöha || (kha) ||


småtiç ca—


pürväparävirodhena ko’trärtho’bhimato bhavet |

ity ädyam ühanaà tarkaù çuñka-tarkaà tu varjayet || (ga) ||


nävedaviduñäà yasmäd brahmadhérupajäyate |

yaccaupaniñadaà brahma tasmän mukhyä çrutirmatä || 5 ||


tathä hi çrutiù (bå.ä.u. 3.9.26)


nävedavin manute taà båhantam || iti ||

aupaniñadaà puruñaà påcchämi || (ka) ||


iti prameya-ratnävalyäà pramäëa-tritva-prakaraëaà näma

navama-prameyam

|| 9 ||


--o)0(o--


evam uktaà präcä—


çré-madhva-mate hariù paratamaù satyaà jagat tattvato

bhedo jéva-gaëä harer anucarä nécocca-bhävaà gatäù |

muktir naija-sukhänubhütir amalä bhaktiç ca tat-sädhanam

akñädi-tritayaà pramäëam akhilämnäyaika-vedyo hariù || 1 ||


änanda-térthai racitäni yasyäà

prameya-ratnäni navaiva santi |

prameya-ratnävalir ädareëa

pradhébhir eñä hådaye nidheyä || 2 ||


nityaà nivasatu hådaye caitanyätmä murärir naù |

niravadyo nirvåtimän gajapatir anukampayä yasya || 3 ||


iti çré-bhagavat-kåñëa-caitanya-sampradäyäcärya-çrémad-baladeva-vidyäbhüñaëa-kåtä prameya-ratnävalé pürtim agät |


--o)0(o--


samäpto’yaà granthaù





Página PRINCIPAL
OBRAS y AUTORES CLÁSICOS
Agradecimientos
Cuadro General

Disculpen las Molestias





HINDUISMO (3270)SC | 1º Sri Garga-Samhita





No hay comentarios:

Correo Vaishnava

Mi foto
Spain
Correo Devocional

Archivo del blog