.jpg)
%20damodar%20swami).jpg)
Jagadananda Das
Sri Radha Premamrta
Mohini Mohana Lahidi
Mohini Mohana Lahidi
çré-mohiné-mohana-lähiòé-vidyälaìkära-praëétaà
çré-rädhä-premämåtam
The source of the following text is the second Murshidabad edition of 1907, edited by Ramdev Misra (India Office Library, San. B. 100). Unfortunately, sloppy photocopying means that pages 20-23 and 42-43 are missing. We are posting the text as we have it for the moment and will hopefully be able to fill the gaps soon.
çré-çré-rädhä-kåñëäbhyäà namaù
vasträpaharaëa-khaëòaù
athaikadä çré-rädhä yamunäà gantukämä rämäù sähutavaté | yathä—
karpüra-maïjari kalävati candrarekhe
mugdhänane sumukhi sundari kambukaëòhe |
ägacchatämbu-haraëäya gåhéta-kumbhäù
sambhüya manda-pavanäà yamunäà vrajäma || 1 ||
etan niçamya vacanaà mågalocanäyä
düre vihäya gåha-karma gåhéta-kumbhäù |
dämodaränana-vilokana-lola-cittä
gopyo jaläya calitä lalitäìghri-pätäù ||2||
sarvä ghaöän kaöi-taöe sarasaà nidhäya
vämetaräà bhuja-latäm atilolayantyaù |
çaçvan mithaù priya-kathä-smita-sundaräsyä
gopäla-väma-nayanä yamunäà prayätäù ||3||
tataù käçcit—
anyonyam ärabdhya-bhujä bhujena
snätuà prayäntyas tapanätmajäyäm |
manda-skhalac-cäru-kucäbhirämä
gäyanti çaçvac caritaà muräreù ||4||
tato yamunäà gatvä—
utkñipya celam adhijänu payaù-pravähe
çaçvad vidhüya tarasä payasä prapürya |
tasmäc ca kiïcid avakäça-jale karäbhyäà
gopäìganä bhuja-ghaöän ghaöayäm babhüva ||5||
tataù çré-kåñëo düre nirékñya sa-smitaà, yathä
ihaiva kandarpa-kalänuküle
kadamba-müle nibhåto bhavämi |
küle dukülaà vinidhäya nére
gopäìganä majjanam äcarantu || 6 ||
tataù küle dukülaà nidhäya nimajjantéà çré-rädhäà käcid uccair üce | yathä—
mä majja mä majja jale mågäkñi
gåhäëa celaà sahasä vibudhya | äyäti so’yaà vraja-sundaréëäà
nicola-coraù purataù kiçoraù ||7||
tataù çré-rädhä sa-sambhramaà präha—samantän nirüpyatäm |
çré-kåñëas tatraiva mäyayä antardadhau | yathä—
sakhé-gaëais tatra nirüpya yatnät
puàso vihénä vidiço diço’pi |
ädhäya küle vanitä dukülaà
payaù-pravähe sarasaà mamajja ||8||népa-çäkhi-viöapopari saukhyäd
väma-bähum upadhäya çayäluù |
gopikä-nibhåta-vékñaëa-kämaù
sväpam äpa kapaöena muräriù ||9||bahula-jala-vihära-vyäkulänäà nipéta-
sphuöa-kamala-madhünäà mugdha-gopäìganänäm |
pulina-bhuvi vilokya smera-vakträravindo
vasanam atha mukundo hartukämo babhüva ||10||
laghu laghu nava-népän népa-puñpävataàsaù
surata-samara-siàhaù smera-vakträravindaù |
cakita-cakitam äsäà çaçvad udvékñamäëo
vraja-yuvati-nicolaà corayämäsa kåñëaù ||11||
tataù küle dukülam anälokya çré-rädhä jagäda—
küle kalinda-duhitur nihitaà dukülaà
nälokitaà sapadi kena janena nétam |
çvaçrü-mukhaà sahaja-roña-vaçäruëäkñaà
drakñyämi hanta katham adya kåtäparädhä ||12||
api ca,
ägantum atra guruëä bahudhä niñiddhä
hä hä tathäpi yamunäà yad upägatäsmi |
präptaà mayä tad-anurüpa-phalaà na jäne
kià vä phaläntaram upaimi gåhe gurubhyaù ||13||
tato jaläd uttérëayä çré-rädhayä dhävantaà çré-kåñëaà prati | yathä,
mä dhava mädhava vidüram idaà dukülam
ädäya küla-nihitaà mihirätmajäyäù |
yäto’si caïcala nivåttim upaihi sadyo
bhadraà bhaviñyati na te vidite nåpeëa ||14||
çré-kåñëaù smitvä—
népe nidhäya vapur unnata-dakñiëäàçaà
savyäàça-lambi-maëi-kuëòalam änata-çréù |
älolitäìguli-dalair muraléà murärir
äpürayan vraja-vadhü-hådayaà jahära ||15||
tataù—
maïju-häsa-parihäsa-peçalaù
kautukän nava-kadamba-çäkhinam |
äruroha saraséruhänano
manda-manda-gati nandanandanaù ||16||
ähüya gopér avadhüya päëià
smeränano nanda-suto jagäda |
utthäya küle navanépa-müle
matto dukülaà nayatänukülam ||17||
äkarëya väëéà vanitäs tadänéà
vréòä-vinamrä yadunandanasya |
parasparaà svéya-mukhäravindaà
vilokayanti sma tadä taruëyaù ||18||
tatas täù kñaëaà vibhävya çré-kåñëaà prati samücuù, yathä—
ägatya küle vasanaà videhi
sarväsu däséñu dayäà vidhehi |
tévra-pratäpäya nåpäya yävad
bhavac-caritraà na nivedayämaù ||19||
tataù çré-kåñëaù sadarpaù—tat kià ? yathä—
däsyo bhavatyo yadi me yuvatyas
tad etya gåhëéta nijäàçukäni |
no cen na däsye vasudhädhinäthaù
kià me’vadhätuà kñamate tad-artham ||20||
tatas tat-kñaëaà vicintya çithilékåta-lajjäs taruëyo nänyatheti vicintya—
adhaù samäcchädya karämbujäbhyäà
kucau kaöhorau pihitau vidhäya |
vréòä-natäs tä bata manda-mandam
utterur uccair yamunä-pravähät ||21||
tataù çré-kåñëaù skandhopari väsäàsi nikñipya taror avaruhya täsäm antikaà jagäma | tatas täù prati, yathä—
unmélya paçyata dåçau sarasäs taruëyo
gåhëéta kintu vasanäni karaà prasärya |
no cet taror upari yämi kadäpi näham
äyämi gacchata punar yamunä-jaleñu ||22||
tataù smitvä kñaëam avanata-mukhé-bhüya—maivaà maivam |
çré-kåñëas tad eva padyaà paöhati gopyas tad-väkyaà puruñaà vibhävya |
unmélya netra-yugalaà smita-sundaräsyäù
sa-vréòitaà muraripor mukham ékñamäëäù |
tatraiva päëi-kamalaika-talaà prasärya
samprärthayanti vasanaà sarasäs taruëyaù ||23||
çré-kåñëo vihasya—maivam | päëé prasärya prärthayatäm iti |
gopyas tad äkarëya—
vämoruëätiguruëä nata-vakram anyam
üruà nidhäya pulakäïcitam udvahantyaù |
päëé prasärya purato yadu-nätha dehi
väsäàsi sa-smitam idaà pramadäù samücuù ||24||
çré-kåñëaù, punar vihasya—maivam |
daëòäyamänau caraëau vidhäya
netre madéye nayane nidhäya |
prasärya päëé ramaëé-samühä
yüyaà punaù prärthayatäàçukäni ||25||
tatas täù kñaëaà vimåñya | kä gatiù ? tatas tathaiva tasthuù | tataù—
gopikä-nibhåta-tanor açeña-çobhäm
älokya smita-vadanas tathäpi täbhyaù |
smeräntaù-pulaka-yujä karämbujena
pratyekam eva vasanaà pradadau mukundaù ||26||
äliìganäni niviòäni ca cumbanäni
tasmäd aväpya yadu-nandanato’àçukäni |
säìketikaà kim api maïju-gåhaà vidhäya
sänandam indu-vadanäù sva-gåhäëi jagmuù ||27||
iti çré-rädhä-premämåte çré-gopäla-caritre
vasana-caurye jala-keli-varëanaà näma prathamaù khaëòaù
||1||
(2)
atha bhära-khaëòaù
tato dinäntare dadhi-vikrayaëa-kriyärthaà mathuräà vrajanténäà gåhéta-dhuräëäm agrata evopasasära çré-kåñëaù |
rädhänurodha-vaçato nija-lélayä ca
skandhe nidhäya dadhi-bhäram apära-mäyaù |
kautühalena kapaöena ca manda-mandaà
kåñëaù kalinda-tanayä-taöam äjagäma ||1||
tato nikhila-bhäriëénäà paçcäd-vartinaà çré-kåñëam avalokya çré-rädhä jagäda—
ädäya bhäram akhilaà kila räjadhäném
eëédåçaù sarabhasaà tarasä prayätäù |
gatvä ca täù prathamato yadunätha tatra
takrädi-vikrayaëam äçu samäcaranti ||2||
tataù çré-rädhä—kià vilambase ? paraà ca—
kréte janena sulabhe navanéta-takre
kretä punaù sulabha-durlabha eva bhävé |
tad gaccha vatsalatayä mathurä-nagaryäà
takrädi-vikrayaëam äçu yathäbhyupaimi ||3||
çré-kåñëaù, kñaëaà niùçvasya viçrämya—
päda-dvandvaà na calati caläpäìgi me skandha-yugmaà
bhüyo bhüyaù sudati mahatéà vedanäm abhyupaiti |
çuñyaty uccais taraëi-kiraëa-çreëibhis tanvi kaëöhas
tad viçrämaà racaya capale maïju-kuïjodare’smin ||4||
çré-rädhä—gaccha kiyad düram |
çré-kåñëaù katicit padäni gatvä kathayati—
sédämi sundari payo-dadhi-bhära-khinnas
tvaà cäpi pévara-payodhara-bhära-khinnä |
tan manda-märuta-sukhe kñaëam atra kuïje
viçrämam äcara camüru-caläyatäkñi ||5||
çré-rädhä sa-roñam iva—
FOUR PAGES MISSING HERE (pages 20-23)
bhäro mahän eña punar yadi syät
paëo manobhür-vihito’bhiläñaù |
tadä dhuréëo’smi na vä dhuréëam
anyaà pravéëaà capale gåhäëa ||13||
çré-rädhä sa-lajjaà smitvä—ko’yaà vyavahäraù vetana-grähiëäm ayam abhiläñaù ?
çré-kåñëaù—sundari mahän garéyän bhäras tad anyaà gåhäëa | iti tatra bhäraà nikñipya sa-roñam iva calati |
çré-rädhä—mä gaccha mä gaccheti |
kñipraà bhaviñyati manaù paripürëa-kämaà
bhäraà bhramäd api na jätu taväcarämi |
bhäraà gåhäëa yadu-nandana manda-mandaà
tvaà gaccha vatsalatayä mathurä-nagaryäm ||14||
çré-kåñëaù vihasya—tarhi gåhéta-paëa eva gacchämi |
çré-rädhä kñaëaà vréòä-vinamra-mukhébhüya niruttarä täm evänumatià dattavaté | tatas täà samépam äsädya—
kñaëam iha suratävåto murärir
jana-rahitäù kakubho nirüpya sadyaù |
samudita-pulakävali-pracaëòe
caöula-dåçaù sahasä cucumba gaëòe ||15||
tataù—
dåòham atha parirabhya skandha-deçaà
pulaka-kaläpa-yujä bhuja-dvayena |
vividha-jala-viläsa-khelaà
mura-mathanena sahaivam anubhävi ||16||
tato vividha-manmatha-kréòäà tatra nikuïje’nubhüya takrädi-vikrayaëärthaà mädhavo rädhayä saha mathuräà yayau | tatas tatra rädhä-sthäne bhäraà nikñipya çéghraà jaräturéà taraëim ädäya pärärthaà sthitaù |
iti çré-rädhä-premämåte
dadhi-vikrayaëädi-kréòä-varëanaà näma
dvitéyo bhära-khaëòaù samäptaù
||2||
(3)
atha naukä-khaëòaù
vikréya takram acireëa nivartamänäà
rädhäà sudhäkara-mukhém abhivékñya düre |
küle nidhäya taraëià sahasä murärir
dhülé-gåhaà taraëijä-puline tanoti ||1||
çré-rädhä satvaram ägatya kåñëaà prati—
kñaëaà dhülékréòäà parihara samäroha taraëià
muräre caëòäàçuç carama-giri-cüòämaëir abhüt |
puraà düre’smäkaà bahula-jala-sambhära-bharitaà
sphurad-vidyun-mälaà kim u ghana-kulaà näkalayasi ||2||
çré-kåñëaù smitvä—
sarid atidustara-pärä
garjati dhärädharaù çirasi |
astaà gata iva taraëir
vahati pracaëòa-vätävaliù ||3||
çré-rädhä—ata eva pära-karmaëi prayatnaù kriyatäà | ätaras tu deya eva | paçya—
eña cumbati ravir varuëäçäà
çliñyati pratighanaà taòid eñä |
ätaraà naya payodhara-häraà
karëadhära sahasä kuru päram ||4||
tataù çré-kåñëaù—
paçya dikñu taòitaà taòidvataù
pära-karma-vidhir eña duñkaraù |
adya tiñöha gåhiëo gåhodare
prätar eva taruëi prayäsyasi ||5||
çré-rädhä—maivaà | adya päro’vaçyaà vidheyaù |
çré-kåñëaù—
prasarati jhaïjhä-pavanaç
cumbati caramäcalaà tapanaù |
paçya niñédati tére
rajjü-nibaddhä jaräturä taraëiù ||6||
sa eva—adyaika-gåhiëo gåhodare tiñöha, prätar yäsyaséti |
çré-rädhä çré-kåñëaà prati—
kià vätaraà na vitarämitaräà muräre
re karëadhära yad idaà paruñaà bravéñi |
ekäà niçäm api paraà kula-käminénäm
anyäçrame sthitir iyaà pariväda eva ||7||
çré-kåñëaù smitvä—düñaëaà vartate yady evam avaçyaà päro vidheyaù, tad evam eva vidhéyatäm |
çré-rädhä—kià tat?
çré-kåñëaù—paçya—
kälindéyaà bahula-laharé-lambita-vyoma-deçä
veçäöopaà cakita-hariëé-locane muïca muïca |
etair eva stana-giri-guru-çroëé-bhärair na jäne
jérëä tanvé mama tarir iyaà käm avasthäm upaiti ||8||
çré-rädhä çré-kåñëaà prati—
gavya-bhära-kuca-bhära-kaïcukair
naur iyaà yadi bharäkulä bhavet |
tat-kñaëaà tad anu väriëi svayaà
kñepaëéyam idam eva nänyathä ||9||
çré-kåñëaù—bhavatu tävat | naukäm adhiruhya kiyad düraà gatvä taraëià taraläà cakre | çré-rädhä çré-kåñëaà prati—
tava taraëi-sutäyä madhyam etad gabhéraà
taralatara-taraìgyäliìgita-vyoma-gaìgam |
tarala-taraëim äruhyäçu bhérur yad eñä
tava punar idam asyä yauvanaà jévanaà tu ||10||
çré-kåñëaù smitvä—näparädho mama bhavatyä eveti | mugdhe paçya | bhavatyäù stana-ghaöa-saìghaöanät pavanas taraëià taraëijävarte çaçvad vavartayati |
çré-rädhä çré-kåñëaà prati—
kenipätam apahäya sahäsaà
hä tanoñi parihäsa-viläsam |
ghürëate tarir iyaà jala-pürëä
karëadhära kim ayaà vyavahäraù ||11||
api ca—
pänéya-secana-vidhau mama naiva päëé
viçrämyatas tad api te parihäsa-väëé |
jévämi cet punar ahaà na tadä kadäpi
çré-kåñëaù smitvä—
pürvaà mayoktam akhilaà jaraté tarir me
tanvé kathaïcana jana-dvitayaà dadhäti |
taträpi väti viñamänila-maëòaléyaà
kià tatra sundari kariñyati karëadhäraù ||13||
çré rädhä—
etävatéà tava tarià jaratéà muräre
jänämi cet tad iha kià padam arpayämi |
eñä taväbhilañitaà paripürayämi
re karëadhära kuru päram apärakérte ||14||
çré-kåñëaù smitvä—yatnäd eva vähayämi sundari taré-cchidräëi äcchädaya hådayäïcalena |
çré-rädhä tathä kåtvä çré-kåñëaà prati—
guru-cchidrocchede kuca-yuga-nicolaù kñitir abhüt
tathäpy antaç-chidrän niviòataram uttiñöhati payaù |
idänéà präëän vä jaghana-vasanaà vä mama hare
kim ähartuà väïchäà vahati muraçatro tava tariù ||15||
çré-kåñëaù smitvä—jérëeva tarir iti pürvoktam | idänéà kaù pratékäraù ? daiva-smaraëam atra |
iha taraëi-sutäyäù külam atyanta-düraà
vighaöita-taru-mülo märuto nänukülaù |
tarir iyam atijérëä caïcalaù karëadharaù
çiva çiva mama ko’yaà karmaëo durvipäkaù ||16||
api ca—
kérëä diço jaladharais taraëiù sujérëä
dämodaro’ticapalo nava-karëadhäraù |
eñä kalinda-duhitur laharé gabhérä
hä hä tathäpi taraëau padam arpayämi ||17||
tataù prakäçam—
väcä tavaiva yadunandana gavya-bhäro
häro’pi väriëi mayä sahasä vikérëaù |
dürékåtaà ca kucayor anayor dukülaà
külaà kalinda-duhitur na tathäpy adüram ||18||2
punaù svagatam—
payaù-püraiù pürëä sapadi gata-ghürëä ca pavanair
gabhére kälindé-payasi tarir eñä praviçati |
paraà hitväritraà parama-taralo nanda-tanayo
naöo bhüyo bhüyas tad api karatälià racayati ||19||3
paraà ca—
prayatnäd ävarte nayati tarim atyanta-jaratém
aritraà tatraiva tyajati taraol nanda-tanayaù |
paraà bhänor bimbaà carama-giri-cüòäm upagataà
na jäne rädhäyäù çiva çiva vidhiù kià ghaööayati ||20||
punar niùçvasya—
düre bandhu-jano manäg api dayä-çélo na pétämbaraù
snigdhair ambara-lambibhir jaladharaiù pétäù samastä diçaù |
eñä jérëatarä taris taraëijä pürëä taraìgotkarair
no jäne’dya mamäciräya bhavitä hä hä gatiù kédåçé ||21||
api ca—
bhüyo bhüyo vahati marutäà maëòalé caëòa-vegä
jérëäm enäà taraëim abhito nirbharaà ghürëayantém |
häraù puëyaà tvayi vinihitaà nanda-süno mamaitat
kñipraà kñipraà subhaga bhavatä kñipyatäà kenipätaù ||22||
çré-kåñëaù smitvä—eño’haà vähayäméti javäd abhivähya—
tvaritam aruëa-putré-pära-mätraà vidhehi
pratimuhur iti käku-vyäkulais tad-vacobhiù |
jala-niviòa-nipäta-kñuëëam äräd aritrià
taruëi taraëi-mitraà khaëòa-khaëòé-babhüva ||23||
çré-rädhä smitvä sa-sambhramaà çré-kåñëaà näparädhiné kintu vidhiù | punaù sa-käku çré-rädhä jagäda—
gabhére kälindé-payasi taraëau magna-vapuñi
sphurad-bhaìgottuìge tvam api kim u jéviñyasi hare |
atas türëaà pürëämala-vidhu-mukhé-nägara kara-
dvayaà kåtväritraà tara taraëi-putréà bhagavatém ||24||
çré-kåñëaù smitvä—
yadi bhavati nimagnä naur iyaà väri-pürëä
çåëu sakhi tad-upäyaà nirgatäpäyam uccaiù |
bhavad-urasija-kumbha-dvandvam älambya yatnät
taruëi taraëi-putréà santariñyämi sadyaù ||25||
çré-rädhä—
astaà gacchati sadyas taraëis
tat-sutäyäm iyaà ca taraëiù |
jévana-yauvanam ubhayos
tad api taväyaà parihäsaù ||26||
çré-kåñëaù smitvä—sundari pratékäraç cintyatäm |
çré-rädhä—pratékäro bhavän eva |
çré-kåñëaù—nähaà, kintu yauvana-paëyam |
çré-rädhä smitvä—
kuru päraà yamunäyä
väraà väraà vepate me hådayam |
ante yauvana-paëyaà
nätha taväste yauvanaà haste ||27||
çré-kåñëaù smitvä, hådayäçväsaà samäsädya mäyä-nirmitaà pulinaà darçayan—
taruëi taraëi-putré-madhyam äsädya jätaà
pulinam atimanojïaà paçya paçyäntika-stham |
atiniviòa-nikuïje maïju-kuïje dvirephe
tarala-pavana-ceñöe bhéti-leço’pi nästi ||28||
çré-rädhä vilokya harñaà sücayanté—aye jévanam äyätaà taraëià çéghraà vähaya |
TWO PAGES OF TEXT MISSING HERE (42-43)
tato romävalim älokya vihasya ca—
anyonya-péòäm avalokya gäòhaà
vakñojayoù sundari sémni väde |
madhye dadau nütana-roma-räjé-
vyäjena setuà kila ménaketuù ||34||
punas taà nirvarëya—
väri-prabandham iva citta-mataìgajasya
durgäcalo giriça-bhéti-bhåtaù smarasya |
dhairyäya mandara-girir nava-rüpa-ratna-
koñas tanoti mama toñam ayaà kucas te ||35||
punas tathäpi parihäsaà vidhäya vividha-manmatha-kréòäà tatränubhüya sa vegena rädhayä saha yamunäyäù päraà jagäma | tatra gatvä rädhäm äliìgya—sundari nähaà vismaraëéyaù |
çré-rädhä—jévana-yauvana-mahauñadhir bhavän iti kià vä jévanaà vismaraëéyam ity uktvä çré-rädhä jagäma |
iti çré-rädhä-premämåte çré-gopäla-caritre
tåtéyo naukä-khaëòaù samäptaù
||3||
(4)
atha däna-khaëòaù
tato dinäntare gopäìganänäà bhäram ädäya gavyaà vikretuà mathuräà vrajantém älokya çré-kåñëo jagäda—
atra kñaëaà virama sundari népa-müle
küle kalinda-duhituù saha gopikäbhiù |
adya tvayä kim iti na çrutam asti bhäre
päre kalinda-duhituù karam äcakära ||1||
çré-rädhä—etena bhavataù kim äyätam ?
çré-kåñëaù—tad äkarëyatäm |
kaàsena bhümipatinä mahatätiyatnän
nétvätra karmaëi kara-grahaëe niyuktaù |
tena svayaà çirasi me nihitaà vicitraà
vastraà vilokaya vilola-mågäyatäkñi ||2||
çré-rädhä kñaëaà vicintya—kara-yogyaà vastu nästi |
çré-kåñëaù—kä çaìkä ? vicäryatäm |
kià vastu rakñasi nidhäya pidhäya yatnäc
celäïcalena nayase capaläyatäkñi |
etad vicäraya karärham idaà madéyaà
kià vä na vä bhavati tat pratilokayämi ||3||
çré-rädhä sa-roñam—etad adhyavasäyo vyavasäyaç ca bhavato yat para-preyaséà prati etävaté mukharatä duñöatä ca |
jäto bhavän vidhi-vaçäd yadi vädhikäré
taträpi te patati naiva padaà dharäyäm |
etat punaù pramitam apramitaà na jäne
tatredåçé sphurati kåñëa kathaà kuväëé ||4||
çré-kåñëaù smitvä—pramitam eva tat kathaà kuväëé sphurati ? iti tat pratyakñam evänubhaviñyati |
mugdhäkñi kaïcukam idaà parihåtya düre
vakñaù-stha-vastu viditaà bhavaté vidhattäm |
no vä mahépati-kara-grahaëe niyukto
dehe tava svayam ahaà karam arpayämi ||5||
çré-rädhä saroñaà kaöäkñaà paçyanté jagäda—
nandanandana kuceñöä-karéndra-siàhaù
siàhäsane kim u na tiñöhati kaàsaräjaù |
tasyädhikäram adhigatya kuläìganänäà
dehe tvam arpayitum icchasi hanta hastam ||6||
çré-kåñëaù saroñam—ayi kim-icchayä eña déyate karaù ? no vä svayaà vicäram aìgékuru |
çré-rädhä saroñam çré-kåñëaà prati—are kasya hi skandhe mastaka-dvayaà ? yaù para-stré-dehe hastaà kñipati |
patir mamätéva duranta-käré
chidränusäré nåpatiù karälaù |
itéva vijïäya madéya-dehe
svayaà karaà däsyasi nanda-süno ||7||
çré-kåñëaù—vayaà räjïä niyuktäù | tat-käryam eva vayaà kurmahe | paëo vä kathaà na déyate ? garvaù kathaà kriyatäà ?
çré-rädhä—kara-yogyaà vastu nästi | kasmin vä kara-grahaù ?
çré-kåñëaù—çrüyatäà ratnam asty eva bhavat-tanau ratnädiñu ca bhäveñu karagrahaù |
tathä hi,
vakñojau tava sätakumbha-kalasau keçä båhac-cämarä
mäëikyaà daçana-cchaöä marakata-çreëé ca romävalé |
anyad vä nibhåtaà yad asti paramaà celäïcalenävåtaà
vijïäya vyavahartum icchasi na ced doñaà na me däsyati ||8||
api ca,
rädhe tvadéya-hådi käïcana-kumbha-yugmaà
lävaëya-ratna-paripürëam idaà vibhäti |
tasyopari sphurati mauktika-hära-yañöir
nälokase kim iti ratna-mayaà çaréram ||9||
çré-rädhä—bhavatu | tävad ratnädénäà kédåk karas tat kathyatäà |
çré-kåñëaù smitvä—çrüyatäm etat |
äghoöanaà stana-suvarëa-ghaöa-dvayasya
sandaàçanaà daçana-mauktika-vidrumasya |
äkarñaëaà kuöila-kuntala-cämarasya
pänaà cakora-nayane’dhara-pallavasya ||10||
çré-rädhä smitvä—na karo deyaù | vayaà räjadhänéà vrajämaù | iti sakhénäà kolähalo mahän abhüt |
iti bahu-vidha-darpodyogam äkarëya tasyä
hådi vinihita-hasto vyäkulenäìganäyäù |
sapadi kuca-dukülaà düram utkñipya nétaà
nirupamam atha muktä-däma dämodareëa ||11||
tatas tasya caritam udvékñya gopäìganäù kåta-kolähalä hasta-tälaà dattvä säkñiëaà cakruù | çré-kåñëaù sa-praëayaà çré-rädhäà prati—
dattvä mamäbhilañitaà mathurä-nagaryäà
svacchandam indumukhi sundari gaccha gaccha |
no ced ihaiva samayaà gamayädya mugdhe
tvaà muïca dugdha-dadhi-vikrayaëa-kriyäà ca ||12||
çré-rädhä vicintya—kä gatiù ? sakhé-mukhaà vékñamäëä lajjitä4 | tataù sakhyaù—pathi balät kriyate cet kä gatiù ? ko vä karaëéyaù ? tad asya pathi mathuräà na vrajämaù |
çré-kåñëaù smitvä—iyam adüre kuïja-bhümiù | tatra tvam anusara | itaç caiva |
paçya sundari kalinda-nandiné-
véci-cumbana-viläsa-lampaöaù |
ketaké-vana-vihära-kautuké
manda-mandam ayam eti märutaù ||13||
preyasé-hådi nidhäya pakñaté
kuömalé-kåta-vilola-locanaù |
vaktra-nirgamita-cüta-kuööalaà
mänasaà harati mugdha-kokilaù ||14||
api ca—
eñä vallé kusuma-sahitä cütam älambya gäòhaà
dhatte ramyaà mukula-pulakaà prema-garbhaà sa-nätham |
päyaà päyaà madhu-madhukaré mälaté mallikänäà
bhrämaà bhrämaà lasita-lasitaà cumbati präëa-nätham ||15||
tataù çré-rädhä—
anyonya-bähu-pariçélita-kaëöha-deçaà
çaçvan mithaù smara-kathä-smita-sundaräsyä |
néläbhram unmadhu-guïjita-bhåìga-puñpaà
kuïjaà jagäma tarasä hariëäyatäkñé ||16||
tatas tatra gatvä kalpa-druma-nava-pallava-kalpita-talpeñu kuïja-madhyeñu rädhäm urasi nidhäya svapiti | çré-kåñëaù tatas tatra vividha-manmatha-kréòäm anubhüya nija-bhavane tarasä gamanaà cakre | çré-rädhä sakhé-janaiù saha bhäram ädäya mathuräà gatavaté |
iti çré-rädhäpremämåte çré-mohiné-mohana-lähiòé-vidyälaìkära-praëéte çré-gopäla-caritre caturtho däna-khaëòaù sampürëaù ||
sampürëo’yaà granthaù |
Sri Garga-Samhita | Oraciones Selectas al Señor Supremo | Devotees Vaishnavas | Dandavat pranams - All glories to Srila Prabhupada | Dandavat pranams | Santos Católicos | El Mundo del ANTIGUO EGIPTO II | El Antiguo Egipto I |Archivo Cervantes | Neale Donald Walsch | Sivananda Yoga | SWAMIS | Hari Katha | Hinduismo | Biografías
No hay comentarios:
Publicar un comentario